9.உளுந்து களி

தேவையான பொருட்கள்

1.உளுந்து - 2 உழக்கு

2.வெல்லம் அல்லது கருப்பட்டி - ருசிக்கேற்ற அளவு

3.நல்ல எண்ணெய் அல்லது நெய் - தேவையான அளவு

              உளுந்தை நன்றாக வறுத்து சன்னமான மாவாக அரைத்துக் கொள்ளவும். இந்தப்பொடியில் சிறிதளவு எடுத்துக் கொள்ளவும். வெல்லத்தை அல்லது கருப்பட்டியை பொடித்துப் போட்டு,சிறிது தண்ணீர் ஊற்றி வாசம் வருமளவு பாகாகக் காய்ச்சி இறக்கி வடிகட்டி அந்த மாவில் கட்டியில்லாது கரைத்து அடுப்பில் வைத்துக் கிளறவும்.இடையிடையில் நல்ல எண்ணெய் அல்லது நெய் ஊற்றிக் கிளறி நல்ல பளபளப்பாக வரும் போது தண்ணீரில் கைகளை நனைத்து தொட்டுப் பார்த்தால் கைகளில் ஒட்டாத போது இறக்கவும்.சூடாக தேவைப்பட்டால் சிறிது நல்ல எண்ணெய் அல்லது நெய் கலந்து சாப்பிட சுவை,சத்தும் அதிகம்.முதுகு,இடுப்பு வலிகளுக்கும் எலும்பு ஆரோக்கியத்திற்கும் நல்லது.